Shree Marathi Lyrics

  संत सनकादिक भक्त मिळाले अनेक ॥ स्वानंदे गर्जती पाहू आले कौतुक ॥ नवल होताहे आरती देवाधिदेवा ॥ स्वर्गीहूनि सुरवर पाहू येताति भावा ॥ नवल होताहे आरती… नरनारी तटस्थ अवघे पडले नयना ॥ ओंवाळिता श्रीमुख धणी न पुरे मना ॥ नवल होताहे आरती… एका जनार्दनी मंगल कौतुके गाती ॥ मंगल आरत्या गाती ॥ मिळाले वैष्णव जयजयकारे गर्जती ॥ नवल होताहे आरती…

  करूनि आरती । आता ओवाळू श्रीपती  आजि पुरले नवस । धन्य जाला हा दिवस ॥१॥ पाहा वो सकळा । पुण्यवंता तुम्ही बाळा  आजि पुरले नवस । धन्य जाला हा दिवस ॥२॥ तुका वाहे टाळी । होता सन्निध जवळी  आजि पुरले नवस । धन्य जाला हा दिवस  ॥३॥

  बोलिले लेकुरे | वेडी वाकुडी उत्तरे ||1|| करा क्षमा अपराध | महाराज तुम्ही सिद्ध ||2|| नाही विचारिला | अधिकार म्यां आपुला ||3|| तुका म्हणे ज्ञानेश्वरा | राखा पायांपे किंकरा ||4||

  पुण्य फ़ळलें बहुतां दिवसां । भाग्य उदयाचा ठसा । झालों सन्मुख तो कैसा । सन्तचरण पावलों ॥१॥ आजि फ़िटलें माझे कोडें । भवदुःखाचें सांकडे । कोंदाटले पुढें । परब्रम्ह सांवळें ॥२॥ आलिंगने संताचिया । दिव्य झाली माझी काया । मस्तक हें पायां । वरी त्यांच्या ठेवितां ॥३॥ तुका म्हणे धन्य झालो । सुखें संतांचिया धालों । लोटांगणीं आलों । पुढें भार देखोनी ॥४॥

  कृपाळु सज्जन तुम्ही संतजन| ऐवढे कृपादान तुमचे मज ||1|| आठवण तुम्ही द्यावी पांडुरंगा | कींव माझी सांगा काकुळती ||2|| अनाथ अपराधी पतित आगळा | परी पायां वेगळा नका करु ||3|| तुका म्हणे तुम्हीं निरविल्यावरी | मग मज हरी उपक्षेणा ||4||

येई गां तूं मायबापा पंढरीच्या राया । तुजविण सीन वाटे क्षीण जाली काया ॥ ध्रु ॥ याती हीन मती हीन कर्म हीन माझे । सर्व लज्जा सांडोनिया शरण आलो तुज ॥१॥ दिनानाथ दीनबंधू नामतुझे साजे । पतितपावन नाम ऐसी ब्रीदावळी गाजे ॥२॥ विटेवरी उभा नीट कटावरी कर । तुका म्हणे हेचि आम्हां ध्यान निरंतर ॥३॥

अंतरंगी रंगलेले स्वरूप मी पाहतो | Antarangi ranglel swarup mi pahato lyrics in Marathi  Antrangi Rangale Mi Ajit Kadkade Composer: Anil Vaiti Lyricist: Anil Vaiti छोटा परिचय  वाचा स्वामी समर्थांच्या 'अंतरंगी रंगलेले स्वरूप' या सुंदर भजनाचे बोल. या भक्तिगीतात स्वामींच्या स्वरूपाचे आणि त्यांच्या भक्तांवरील कृपेचे वर्णन आहे. #स्वामीसमर्थ #भजन #मराठीभजन #आध्यात्मिक अंतरंगी रंगलेले स्वरूप मी पाहतो स्वरूप पाहतो स्वामी माठा मध्ये नांदतो ||ध्रु|| भजन गातो कीर्तन करतो गातो तुझी गाथा पदकमली स्वामीच्या मी ठेवितो माथा स्वामींच्या नामे सारा ब्रह्मांड डोलतो ||१|| आस पूरवा भक्तांची दावी रूप डोळा वाट किती पाहू स्वामी जीव हा भुकेला सत्य वाची सत्य सारे सत्य तूची बोलतो ||२|| स्वामी तव दर्शनाला उतावीळ झालो धरणे धरुनी द्वारे आम्ही तिथे बैसलों भूत बाधा रोगतूनी मुक्त तूची करितो ||३|| 'अंतरंगी रंगलेले स्वरूप' हे भजन स्वामी समर्थांवरील नितांत भक्ती आणि त्यांच्या अस्तित्वाचा अनुभव व्यक्त करते... Antarangi Ranglele Swaroop: Swami Samarth Bhajan Lyrics in Minglish Lyrics in Minglish: Antarangi ...