Shree Marathi Lyrics

  भरला ओत प्रोत, स्वामी माझा देव दत्त //धृ// केले आवाहन , जेथे नाही विसर्जन  //1// गाता येत नाही पूर्ण सुनीलता पाही  //2// एका जनार्दनी खूण विश्वि भरला परी पूर्ण  //3//

 ज्या सुखा कारणे देव वेडावला, वैकुंठ सोडूनी संत सदनी राहिला || धृ || धन्य धन्य संताचे सदन तेथे लक्ष्मी सहित शोभे नारायण //1// सर्व सुखाची सुखराशी,   संत चरणी भुक्ती मुक्ती दासी //2// एका जनार्दनी पार नाही सुखा म्हणोनी देव भुलले देखा देखा //3//

 दत्त दत्त नाम नित्य समाधान  अमृत प्राशान नित्यानंद।। दत्त नाम स्मरण भवभय हरण। दत्त गुरु चरण ब्रम्हानंद।। दत्त नाम श्रवण नित्य पारायण। भवसिंधु चरण आत्मानंद||

 नावाडी श्रीहरी,नावाडी तूंचि होई, आता कोण माझी होडी लावील पैलतीरी!!धृ!! डगमग डगमग डोले नाव ही संसारी कृपेने लाव देवा नाव ही किनारी।        !!1!! मनपवनाचे सुटते वादळ मायेमध्ये फिरवतो गोल गोल।             !!2!! सुटती अफाट षड्रिपुच्या लाटा  कैसी लाऊ माझी होडी काठा।             !!3!! जयदास म्हणे नावाडी होऊनी पैलतीरी पोचवी नवोनी।            !!4!!

  जपता नाम विठ्ठलाचे | भय नाही हो काळाचे || नाममंत्र त्रिअक्षर | करी सदा तो उच्चार || विठ्ठलनामे सुख आनंद | भानुदासा परमानंद ||

 सुंदर घन निळा सावळा ऐसे रूप तुझे पाहिले मी डोळा ।।धृ।। मूर्ती ही सावळी चतुर्भुज गळा   नेसलासी कस्तुरी निधळा     ।। शंक चक्र गधा वैजयंती रुळे   तळपती श्रवणी कुंडले       ।। तुका ह्मणे स्वामी विठ्ठल आगळा   मज लागला त्याचा लळा    ।।

 आळवा रे भगवंता  सदा चालता बोलता   ।।धृ।। मुखी सदा सत्य बोला त्याचा विषयाचा गलबला ।। मुखी सदा राम कृष्ण बोला  गर्वाने बोला राम कृष्ण हरी बोला ।। तुकड्या दास म्हणे  नेई आम्हा निर्वाणीत  ।।