Shree Marathi Lyrics

 नाम घेता उठाउठी, होय संसाराची तुटी || धृ || ऐसा लाभ बांधा गांठी विठ्ठल पायी मिठी || १ || नामापरते साधन नाही जें तू करिसी आणिक कांही || २ || हाकरोनी सांगे तुका नाम घेता राहो नका || ३ ||

lscreen>  नंदाचा अलबेला  मनमोहन मुरलीवाला।    !!धृ!! भक्तासाठी तो जगजेठी कुब्जेशी रथ झाला       !!1!! विदुरा घरच्या भक्षूनी कण्या ब्रम्हानंदे झाला।          !!2!! भक्ती सुखे सुखावला एका जनार्दनीं निर्मला  !!3!!

भाव तोचि देव,भाव तोचि देव संदेह नाही हो,संतांनी हा टाहो फोडीयला //धृ// भावने वाचूनी देव नाही कोठे तीर्थस्थान जरी मोठे झाले    //1// निश्चय करून हृदयात देव ठेविता हा भाव काय वेची   //2// खावे प्यावे ल्यावे,सर्वही करावे परी देव नोव्हे जमाखर्च  कर्तेपण लेले आपुलिया बाधा कर्ता करविता हृदयातु          //3// ऐसें भावनेचे साधन हे मोठे शुभा शुभ लोपे मोकळा तू   //4// ऐसीं भोळी भक्ती देवास आवडे सर्व काही जोडे दत्ता म्हणे    //5//

  भरला ओत प्रोत, स्वामी माझा देव दत्त //धृ// केले आवाहन , जेथे नाही विसर्जन  //1// गाता येत नाही पूर्ण सुनीलता पाही  //2// एका जनार्दनी खूण विश्वि भरला परी पूर्ण  //3//

 ज्या सुखा कारणे देव वेडावला, वैकुंठ सोडूनी संत सदनी राहिला || धृ || धन्य धन्य संताचे सदन तेथे लक्ष्मी सहित शोभे नारायण //1// सर्व सुखाची सुखराशी,   संत चरणी भुक्ती मुक्ती दासी //2// एका जनार्दनी पार नाही सुखा म्हणोनी देव भुलले देखा देखा //3//

 दत्त दत्त नाम नित्य समाधान  अमृत प्राशान नित्यानंद।। दत्त नाम स्मरण भवभय हरण। दत्त गुरु चरण ब्रम्हानंद।। दत्त नाम श्रवण नित्य पारायण। भवसिंधु चरण आत्मानंद||

 नावाडी श्रीहरी,नावाडी तूंचि होई, आता कोण माझी होडी लावील पैलतीरी!!धृ!! डगमग डगमग डोले नाव ही संसारी कृपेने लाव देवा नाव ही किनारी।        !!1!! मनपवनाचे सुटते वादळ मायेमध्ये फिरवतो गोल गोल।             !!2!! सुटती अफाट षड्रिपुच्या लाटा  कैसी लाऊ माझी होडी काठा।             !!3!! जयदास म्हणे नावाडी होऊनी पैलतीरी पोचवी नवोनी।            !!4!!