Shree Marathi Lyrics

वाजे मृदुंग टाळ वीणा ये रे नाचत गौरी गणा|| गणपती बाप्पा मोरया - मंगलमूर्ती मोरया नाच नाच रे गजानना पायी बांधून घुंगुरवाळा येई ठुमकत तू लडीवाळा जना आवडे तव हा चाळा देई आनंद गौरी बाळा दुडूदुडू ये रे लुटूलुटू ये रे शिवसुता वेल्हाळा|| नाच नाच रे गजानना  | वाजे मृदुंग टाळ वीणा ||1|| गणपती बाप्पा मोरया मंगलमुर्ती मोरया तुझ्या चिंतनी जमले सारे खाली आले नभातील तारे नाचे चैतन्ये अवघे वारे पाना-फुलात भरलासी तू रे कर्पूरगौरा, जगदोधारा, ये धरणी बल्लाळा || नाच नाच रे गजानना  | वाजे मृदुंग टाळ वीणा ||2|| गणपती बाप्पा मोरया मंगलमुर्ती मोरया तू देवांचा देव खरा आदिनाथ तू मंगलकारा देई कृपेच्या अमृतधारा तारी विश्वाचा सर्व पसारा हे विघ्नेशा, हे जगदीशा, हे धरणी नी परमेशा || नाच नाच रे गजानना | वाजे मृदुंग टाळ वीणा ||3|| गणपती बाप्पा मोरया मंगलमुर्ती मोरया

रखुमा माझी पेरणी करी माझा पांडूरंग नांगर धरी माझी शेती ही पंढरी ||धृ.|| अठरा धान्य मीच पिकवितो चोर लूटारूंचे घर मी भरतो निसर्गाशी सदा झगडतो चिंता माझ्या उरी माझी शेती ही पंढरी ||1|| मजूर माझा भाऊ धाकटा कधी होणार नीटनेटका....(2) कष्ट करूनी सदा भाकितो संसाराच्या घरी माझी शेती ही पंढरी ||2|| धान्य पेरीले बहू मोलाचे पंचतत्त्वे तया रक्षिले तुका म्हणे जाऊ पाहाया वैकूंठीचा हरी रखुमा माझी पेरणी करी ||3||

समाधि साधन संजीवन नाम । शांति दया सम सर्वांभूतीं ॥१॥ शांतीची पैं शांति निवृत्ति दातारू । हरिनाम उच्चारू दिधला तेणें ॥२॥ शम-दम-कळा, विज्ञान-सज्ञान । परतोनि अज्ञान न ये घरा ॥३॥ ज्ञानदेवा सिद्धी-साधन अवीट । भक्ति-मार्ग नीट हरिपंथीं ॥४॥

अभंग अभंगाची गोडी करी ज्यास वेडी तोचि पुण्य जोडी पंढरीचे || टाळ मृदंग विना साथ ज्याची भक्ती भाव गोडी विठ्ठलाची || बघा संत मेळा सदा गुंगलेला सदा गुंतलेला हरी भजनात || गाभाऱ्यात कोण विठू जाणे चोखोबा तृष्टी वाट पाहे || 

मोरया मोरया गोड हे नाम तुझे | कृपा सागरा हेची माहेर माझे || तुझी सोंड बा वाकुडी एकदंता | मला बुद्धी दे मोरया गुणवंता ||

यमुनेच्या तिरावरी कान्हा वाजवतो बासरी लाडिगोडी लावू नको खोडी माझी काडू नको झाले मी बावरी कान्हया जाऊ देरे माघारी || सावळे तुझे रूप मनोहर वेड लावीते मनी कानी कुंडल नयनी काजळ पितांबर जरतारी एक एक जमल्या साऱ्या गौळणीराचाती फेर धरुनी || एका जनार्दनी श्रीहरी भजनी सदगुरू चरणाधरी म्हणे मुकुंदा तुला विनविते करू नको शिरजोरी जाऊ दे रे अमुच्या सदनी सोड वाट झडकरी ||

जयाचे पाहता श्री मुख हरे हो तेचि कोटी जन्म दुःख || तोहा उभा विटेवारी भक्त दास म्हणता कैवारी || वेदासी तो दुर्गम आम्हा नकळे त्याचे वर्म || ऐसा भक्त वत्सल दीना नाथ ऐका जनार्दनीचे ध्यान ||