Shree Marathi Lyrics

याचे हातीचा वेणू कुणी घ्यागे गौळण  याचे हातीचा वेणू कुणी घ्यागे बाई घ्यागे सई घ्यागे ।।धृ।। घरी करीत होते काम धंदा वेणू वाजविले नंदाचिये नंदा विसरले मी काम धंदा ।।१।। घरी सासुचा जाच माझा भारी जावा नंदा नांदती परोपरी ।।२।। तान्हे बालक आले कुणी घरा घरी सासू सासरा म्हातारा याच्या मुरलीने जीव झाला घाबरा ।।३।। वेणू न्हवे विषमज वाटे नाद ऐकता काम मनी दाटे मध्वनाथाची मूर्ती हृदयी भेटे ।।४।।

  तुझ्या मुरलीचा एकुन ध्वनी तुझ्या मुरलीचा एकुन ध्वनी  कान्हामी आले जशीच्या तशी धावुनि ||धृ|| झाडीत होते माझे मी अंगण तेथेच राहिली कणी रे कान्हा ||१|| न्हात होते न्हानि घरात तेथेच राहिले पाणी रे कान्हा ||२|| घालीत होते माझी मी वेणी तेथेच राहिली फणी रे कान्हा ||३|| एका जनार्दनीं राधा गौळण कृष्ण मनी झाली लिन राधा ||३||

  तळवे तळहात तळ टेंकीत । डाव्या गुडघ्यानें रांगत । रांगत हा डाव्या गुडघ्यानें रांगतो || रंगणी रंगनाथ । खेळतो हेचि रांगत ये॥१॥ याने माझें कवाड उघडिलें । याने माझे शिंकें तोडिलें । दह्यादुधातें भक्षिलें । उलंडिलें ताकातें || एक्या हातीं लोण्याचा कवळु । मुख माखिलें अळुमाळु । चुंबन देतां येतो परिमळु । नवनीताचा ये सये || ऐसा पुराण प्रसिद्ध चोर । केशव नाम्याचा दातार । पंढरपुरीं अवतार ||

यमुनेच्या तिरावरी कान्हा वाजवतो बासरी लाडिगोडी लावू नको खोडी माझी काडू नको झाले मी बावरी कान्हया जाऊ देरे माघारी || सावळे तुझे रूप मनोहर वेड लावीते मनी कानी कुंडल नयनी काजळ पितांबर जरतारी एक एक जमल्या साऱ्या गौळणीराचाती फेर धरुनी || एका जनार्दनी श्रीहरी भजनी सदगुरू चरणाधरी म्हणे मुकुंदा तुला विनविते करू नको शिरजोरी जाऊ दे रे अमुच्या सदनी सोड वाट झडकरी ||