Shree Marathi Lyrics

समाधि साधन संजीवन नाम । शांति दया सम सर्वांभूतीं ॥१॥ शांतीची पैं शांति निवृत्ति दातारू । हरिनाम उच्चारू दिधला तेणें ॥२॥ शम-दम-कळा, विज्ञान-सज्ञान । परतोनि अज्ञान न ये घरा ॥३॥ ज्ञानदेवा सिद्धी-साधन अवीट । भक्ति-मार्ग नीट हरिपंथीं ॥४॥

अभंग अभंगाची गोडी करी ज्यास वेडी तोचि पुण्य जोडी पंढरीचे || टाळ मृदंग विना साथ ज्याची भक्ती भाव गोडी विठ्ठलाची || बघा संत मेळा सदा गुंगलेला सदा गुंतलेला हरी भजनात || गाभाऱ्यात कोण विठू जाणे चोखोबा तृष्टी वाट पाहे || 

मोरया मोरया गोड हे नाम तुझे | कृपा सागरा हेची माहेर माझे || तुझी सोंड बा वाकुडी एकदंता | मला बुद्धी दे मोरया गुणवंता ||

यमुनेच्या तिरावरी कान्हा वाजवतो बासरी लाडिगोडी लावू नको खोडी माझी काडू नको झाले मी बावरी कान्हया जाऊ देरे माघारी || सावळे तुझे रूप मनोहर वेड लावीते मनी कानी कुंडल नयनी काजळ पितांबर जरतारी एक एक जमल्या साऱ्या गौळणीराचाती फेर धरुनी || एका जनार्दनी श्रीहरी भजनी सदगुरू चरणाधरी म्हणे मुकुंदा तुला विनविते करू नको शिरजोरी जाऊ दे रे अमुच्या सदनी सोड वाट झडकरी ||

जयाचे पाहता श्री मुख हरे हो तेचि कोटी जन्म दुःख || तोहा उभा विटेवारी भक्त दास म्हणता कैवारी || वेदासी तो दुर्गम आम्हा नकळे त्याचे वर्म || ऐसा भक्त वत्सल दीना नाथ ऐका जनार्दनीचे ध्यान || 

शिणले तन मन वाट पाहुनी येशील कधी सदनी मोरया शरण तुझ्या चरणी || विघ्न हारिसी सकल जागचे मंगल होते भक्त गणांचे या वाचनाला जाग गणेश तुझ वीण नाही कोणि || दास तुझा मी शत जन्मीचा तु प्रतिपालक या श्वासांचा आज परंतु नाही दर्शन आले मन भरुनी || अजाण आम्ही जाणुन घे रे अप्रधाला पोटी घे रे साद ऐकुनी धावत ये रे हीच आस मनी ||

भूमी भार व्हाया का रे जन्मली ही काया || न घडे वाचे नाम स्मरण जिव्हा नव्हे चर्म जाण || न घडे करे दान धर्म कर नोहे ते सर्प जाण || पायी तीर्थयात्रा न घडे पाय नोहे ती लाकडे || एका जनार्दनी ते वेडे... नरदेही प्रत्यक्ष रेडे ||