संत तुकाराम महाराज lyrics

 

गोड तुझे रूप गोड तुझे नाम ||
सादा माझे डोळा जडो तुझी मूर्ती
रखुमाई चा पती सोयरिया ||
विठू माऊली हाचि वर देई
संचारुनी येई हृदयी माझ्या ||
तुका म्हणे काही न मागे आणिक
तुझे पायी सुख सर्व आहे

धन्य अंजनीचा सुता, ||
नाम त्याचे हनुमंता || धृ ||

ज्याने शोधियेली लंका ||
सीताराम भेटविला || १ ||

द्रोणागिरी तो आणिला || 
लक्ष्मण वाचविला || २ ||

यैसा मारुती उपकारी || 
तुका लोळे चरणावरी |3|

 

चाले हें शरीर कोणाचिये सत

कोण बोलविते हरीवीण ॥१॥

तयाचें भजन चुको नको ॥२॥

मानसाची देव चालवी अहंता । 

मीचि एक कर्तां म्हणोनियां ॥३||

वृक्षाचेंही पान हाले ज्याची सत्ता ।

राहिली अहंता मग कोठें ॥४॥

तुका म्हणे विठो भरला सबाहीं ।

तया उणें काहीं चराचरीं ॥५॥

देखोनिया तुझ्या रूपाचा आकार
उभा कटी कर ठेवुनिया ||
तेणें माझ्या चित्ता होय समाधान
वाटतें चरण न सोडावे ||
मुखे गातो गीत वाजवतो टाळी
नाचतो राऊळी प्रेमसुखें ||
तुका म्हणे मज तुझ्या नामापुढे
तुच्छ हे बापुडे सकळही ||

सुंदरते ध्यान बैसे सिंहसिनी
वामनगी नंदनी जनकाची ||

दक्षिनेसी उभा बंधू लक्षुमान
भरत शत्रुघ्न व कैकयी सुत ||

सन्मुख तो उभा मारुती बलभीम
जपे राम नाम सर्व काळ ||

तुका म्हणे माझा श्रीरामाचे ध्यान
जीव लिंबे लोन उतरुण ||