महाराष्ट्रमध्ये निसर्ग रम्य सुंदर ते कोकण lyrics in marathi

 महाराष्ट्रमध्ये निसर्ग रम्य सुंदर ते कोकण |

 या कोकणात गणेश चतुर्थीचा मोठा सण ॥धृ॥

महाड चिपळून संगमेश्वर पुढे लांजा राजापूर | 

दापोली खेड गुहागर रत्नागिरी जिल्हयावर | 

गणेश पुजती लक्ष वेधिती शक्ती तुरा नाचून ॥१॥

खारे पाटण नांदगाव तिठा कणकवली कसाल आणि कट्टा |

 कुडाळ-पावशी पांदुरलिटा पुढे मालवण किनार पट्टा । 

गौरी गणपती आणून पुजती घरो घरी सारे जण ॥२॥

ठाणे रायगड-रत्नागिरी पुढे सिंधुदुर्ग नगरी । 

येथे कोकणच्या वस्ती भारी कुणी वसती सागर तीरी ।

 गणपती त्यांचे आराध्य दैवत गरीब असो धनवान ॥३॥

दरवरसाला चाकरमानी जाती एसटी करुन घरी। 

कोणी कोकण रेल्वे नी कोणी मिळेल ते वाहन करुनी |

 वार्षीक उत्सव साजरा करीती गणपतीला भजूनी ॥४॥

अशा कोकणच्या चाली रिती पहाण्या गावास भेटी देती ।

 गणपतीची आरती काशिरामाची त्याला पसंती । 

महाराष्ट्राची शान आहे असे हे कोकण ॥५॥