Shree Marathi Lyrics

नाम तुझे, नारायणा अभंग नाम तुझे, नारायणा फोडी   पाषाणाला पान्हा  ।। धृ ।। अज्या मेळा पापरासी, तोही गेला वैकुंठाशी।। १ ।। नाम जपले वल्मिकिने, फुटली त्याला दोनी पाने ।। २ ।। ऎसा नामाचा महिमा, तुका म्हणे झाली सीमा ।। ३ ।।

 काय सांगों देवा ज्ञानोबाची ख्याती  अभंग काय सांगों देवा ज्ञानोबाची ख्याती ।  वेद म्हैशामुखीं बोलविलें ॥१॥  कोठवरी वानूं याची स्वरूपस्थिती ।  चालविली भिंती मृत्तिकेची ॥२॥  अविद्या मायेचा लागों नेदी वारा ।  ऐसें जगदोद्धारें बोलविलें ॥३॥  नामा ह्मणे यांनीं तारिले पतित ।  भक्ति केली ख्यात ज्ञानदेवें ॥४॥